നിന്റെ കടലാഴങ്ങളിൽ 
ഞാൻ പെറുക്കിയിട്ട പവിഴമുണ്ടോ?
അത് എനിക്ക് തിരികെ തരൂ, 
അത് എന്റെ ജീവിതമായിരുന്നു
പ്രിയനെ പിൻവിളിവിളിക്കാതിരിക്ക
നിന്റെ ശ്വാസത്തിലെന്നെ
കൊളുത്തിവലിക്കാതിരിക്ക
എന്റെ വഴികളിൽ
നീ ചിതറി വീഴാതിരിക്ക
നിഴൽചിത്രമാകാതിരിക്ക
പിൻവിളി വിളിക്കാതിരിക്ക
മിഴി നനയ്ക്കാതിരിക്ക
പോകട്ടേ ഞാൻ
ഇരുളിൻ തമോഗർത്തശാലകളിൽ
സ്വയം ഹവിസ്സായി എരിഞ്ഞൊടുങ്ങാൻ
പോകട്ടെ ഞാൻ