കോട്ടയത്തെ കാപ്പികടകള്‍ /കാപ്പികോപ്പയിലെ ഓര്‍മ്മ കൊടുങ്കാറ്റ്

കോട്ടയത്തെ കാപ്പികടകള്‍ /കാപ്പികോപ്പയിലെ ഓര്‍മ്മ കൊടുങ്കാറ്റ് :)
...............

നല്ല ഫില്‍റ്റര്‍ കോഫി കുടിച്ചിട്ടുണ്ടോ എന്ന ശ്രീമാന്‍ ജയറാം സുബ്രഹ്മണ്യത്തിന്റെ ചോദ്യം ഒരു വലിയ കാപ്പിക്കപ്പു നിറയേ കാപ്പി ഓര്‍മ്മകളെയാണ് മുന്നില്‍ എത്തിച്ചതു.

അതില്‍ നല്ലൊരു പങ്കും കോട്ടയം പട്ടണവുമായിബന്ധപ്പെട്ട് കിടക്കുന്നു.
കോട്ടയത്തെ ഓരോ കാപ്പി വിളമ്പുന്ന കടയും തന്നിരുന്നത് ഓരോ രുചികളായിരുന്നു.

അതിനെ കുറിച്ചു.
................

കോട്ടയത്ത്‌ തിരുനക്കര അമ്പലത്തിനു അടുത്തു ഒരു ബ്രാഹ്മിന്‍സ് ഹോട്ടല്‍/ ചായകട ഉണ്ടാരുന്നു. ഇലയില്‍ ഊണ് കിട്ടുന്ന, നല്ല ദോശയും ചമ്മന്തിയും ഫില്‍റ്റര്‍ കോഫിയും കിട്ടുന്ന ഒരു നല്ല ന്യായവില ഷോപ്പ്..അത് ഇപ്പോഴും അവിടെ തന്നെ ഉണ്ടോ ആവോ?അവിടുത്തെ കാപ്പിക്ക് ഒരു പ്രത്യേക സ്വാദായിരുന്നു.

കോട്ടയം പട്ടണത്തിനു അതിന്റെതായ ചില തനതു രുചികളുണ്ട്. അതില്‍ ഒന്നായിരുന്നു ഈ പറഞ്ഞ ചായക്കട. അത് പോലെ ഒന്നാണ് കോഫീ ഹൌസ്ന്റെ ആ പഴയ കെട്ടിടത്തിലെ ചൂടില്‍ അവര്‍ വിളമ്പുന്ന cutletഉം മസാലദോശയും ഉഴുന്ന് വടയും. എന്നാല്‍ കോഫീഹൌസേലെ കാപ്പിക്ക് മറ്റൊരു രുചിയാണ്.

ഈ കോഫീ ഹൌസ് നും കുറച്ചു അപ്പുറത്ത് നോര്‍ത്ത് ഇന്ത്യന്‍താളി വിഭവങ്ങള്‍ കിട്ടുന്ന ഒരു restaurant ഉണ്ടായിരുന്നു. താലി എന്ന് തന്നേ ആണ് അതിന്റെ പേര് എന്നാണ് എന്റെ ഓര്‍മ്മ, അവിടെയും കാപ്പി കിട്ടും, എന്നാല്‍ അതിനു ഒരു തരം വെള്ള രുചിയാണ്.

ആര്യാസ് ആര്യഭവന്‍. കൊത്തുപൊറോട്ട വേണോ വെജ് പുലാവ് വേണോ, ഊത്തപ്പം വേണോ എന്നൊകെ സംശയിച്ചാലും കാപ്പിടെ കാര്യത്തില്‍ no confusion. ആര്യാസിലെ കൊത്തുപൊറോട്ടയ്ക്ക് അന്നൊക്കെ ഒരു തരം ബീറ്റ്രൂട്ടിന്റെ നിറമായിരുന്നു. എന്നാല്‍ അവിടുത്തെ ചില്ലി ഗോപി. അമ്മോ എന്താ സ്വാദു?

Rangoli എന്ന് പറഞ്ഞ ഒരു restaurant ഉണ്ടായിരുന്നു, ksrtc ബസ്‌ standലേയ്ക്ക് പോകുന്ന വഴിയ്ക്ക്. അവിടെയും നല്ല നോര്‍ത്ത് ഇന്ത്യന്‍ വിഭവങ്ങള്‍ കിട്ടിയിരുന്നു, എന്നാല്‍ കാപ്പി അത് അത്ര കേമമല്ലാരുന്നു.

നോര്‍ത്ത് ഇന്ത്യന്‍ വിഭവങ്ങളെ കുറിച്ചു പറയുമ്പോ Punjabi restaurant അവിടുത്തെ രുമാലി റൊട്ടി ചിക്കന്‍ ടിക്ക അതൊക്കെ എങ്ങനെ പറയാതെ പോകും?

കോഫീ ഹൌസ് ലേയും പഞ്ചാബി restaurant ലേയും ബിരിയാണി കളെ സ്നേഹിച്ചിരുന്നു എങ്കിലും ബിരിയാണി പ്രണയമായി മാറുന്നത് ബെസ്റ്റ് ലേ ബിരിയാണി ആകുമ്പോഴാ. കായിക്കന്റെ ബിരിയാണിയും കോഴികോടന്‍ ബിരിയാണിയും പലരും പേരുമയായി പറയുമ്പോ നമ്മള്‍ തിരിച്ചു ചോദിചിരുന്നത് ബെസ്റ്റ് ലെ ബിരിയിണാ കഴിച്ചിട്ടുണ്ടോ എന്നാ :)

ചില unusual നല്ല കാപ്പി കിട്ടുന്ന സ്ഥലങ്ങള്‍ ഉണ്ടായിരുന്നു കോട്ടയത്ത്‌: അതില്‍ ഒന്നാണ് സിവില്‍ സ്റ്റേഷന്‍ നു ഉള്ളില്‍ ഉള്ള ചെറിയ പെട്ടി കട മാതിരിയുള്ള സെറ്റ് അപ്പ്‌. അവിടേ കിട്ടുന്ന കാപ്പിയ്കും ഹോര്‍ലിക്സ് നും ഒരു പ്രത്യേക സ്വാദയിരുന്നു.

പിന്നെ മെഡിക്കല്‍ സെന്റര്‍ അവിടേ കിട്ടിയിരുന്നു ഒളന്‍ വെള്ളം എന്ന് കളിയാക്കി വിളിച്ചിരുന്ന കാപ്പി. എന്നാല്‍ രുചിയില്‍ അവന്‍ ഒന്നും പിന്നില്‍ ആലായിരുന്നു കേട്ടോ.

പിന്നെ റയില്‍വേ സ്റ്റേഷന്‍ കാന്റീന്‍ ലേ കാപ്പി, അതിനു കാത്തിരിപ്പിന്റെ സുഖം കൂടി ഉണ്ടായിരുന്നു പലപ്പോഴും :)

എന്നാല്‍ ഏറ്റവും കൂടുതല്‍ കാപ്പി കുടിച്ചത്, അത് ഇവിടെ നിന്നായിരുന്നു?

Rainbow എന്ന കൊച്ചു ചായക്കട. രാഷ്ടീയവും പ്രണയവും ജീവിതവും ചര്‍ച്ച ചെയ്തു കയ്യിലെ ചില്ലറ പൈസ പങ്കിട്ടു നമ്മള്‍ വാങ്ങി പങ്കിട്ടു കുടിച്ചിരുന്ന ആ നിറയേ പതയുള്ള കാപ്പിയോളം, ആത്മാവിനെ ചൂട് പിടിപ്പിക്കുന്ന ഒരു കാപ്പി ഓര്‍മ്മയില്ല.

അപ്പൊ എല്ലാ കാപ്പി ഓര്‍മ്മകളും കൂടെ കൂട്ടി ഞാന്‍ പോയി ഒരു ചുക്ക് കാപ്പി കൂടി കുടിക്കട്ടെ. നന്ദി, മനസ്സു കൊണ്ട് ഒരു കാപ്പി കപ്പിന് അപ്പുറം എന്ന പോലെ എന്റെ മുന്നില്‍ ഇരുന്ന തന്ന എല്ലാ കാപ്പി പ്രേമി ചെങ്ങതികള്‍ക്കും. :)

Cheers
Deepa Praveen Madhu

P.S : പിന്നെ കരിമ്പിന്‍കാല പോലെയുള്ള രുചികൂട്ടിന്റെ മറ്റൊരു ദേവലോകത്തേയ്ക്ക് തല്‍ക്കാലം പോകുന്നില്ല. പോയാല്‍ ഈ കുറിപ്പ് ഇവിടം കൊണ്ട് ഒന്നും തീരില്ല. :)